Lart e Poshte

Lart

Aleksandër Arvizu

Ambasadori simpatik i SHBA-së në Tiranë ka vendosur të zhvishet për një ditë nga petku i politikës, duke preferuar të jetë më afër problemeve të shoqërisë shqiptare, e madje duke mbështetur fort një nismë konkrete si ajo “Vepro Tani!”, për inkurajimin e shoqërisë civile, si një motor galvanizues. Ai shpeshherë ka reaguar ashpër ndaj padrejtësive, por kësaj here është treguar edhe më i vendosur, duke shkuar deri atje sa ka këshilluar shqiptarët t’i marrin fatet e tyre në dorë sepse është koha për të vepruar.



Poshte

Arben Ristani

U duk sikur Komisioni Qendror i Zgjedhjeve po fitonte një lloj ndjenje pozitive nga shoqëria civile, kur pranoi kërkesën e një grupi njerëzish që kundërshtonin importin e mbetjeve në Shqipëri e për këtë arsye iu drejtuan asaj me kërkesën për një referendum. Pas muajsh të tërë vonesash, u kuptua se referendumi nuk do të ishte i thjeshtë. Tani KQZ-ja i ka tejkaluar të gjitha afatet ligjore për mbajtjen e referendumit dhe kështu, ai rrezikon të mos kryhet fare. Të ishte vallë një taktikë për t’i thënë indirekt jo? Gjasat thonë se është pikërisht kështu.