Lart e Poshte

Lart

Urim Gjata

Pë rata që e njihnin, ai ishte një militant i flaktë i PD-së, por pas guximit që pati për të denoncuar hapur dhe me fakte korrupsionin që ndodh në doganat shqiptare, Urim Gjata është arratisur drejt Brukselit. Ai zbardhi me imtësi e me emra, gjithë skemën e zhvillimit të kontrabandës së mallrave, duke pohuar se çdo doganier është i detyruar nga shefi i tij, që çdo mëngjes, të paguajë “taksën” e ryshfeteve. Ndonëse Gjata ka punuar për vite në doganë dhe shumëkush mund të dyshojë për motivet që e shtynë, është për t’u vlerësuar guximi që ai pati për të folur për atë çfarë ka parë me sy. Dhe që e ndiejnë çdo ditë në kurriz dhjetra qytetarë.



Poshte

Apollon Baçe

Pas rrënimit të shtëpisë të Themistokli Gërmenjit në Korçë, reagimi më i ashpër ndaj autorëve të aktit të shëmtuar pritej nga Instituti i Monumenteve të Kulturës. Por, drejtori Apollon Baçe, i cili duhet të ishte i pari që duhet të shprehte se shteti do tregohej i ashpër ndaj autorëve, reagoi mjaft butë. Shumë objekte të tjera janë në prag të rrënimit në këtë 100 vjetor të Pavarësisë dhe Instituti i Monumenteve të Kulturës që ai drejton nuk po tregohet i përgjegjshëm, qoftë edhe për t’i mbajtur në këmbë.